Leioa
Bilaketak
Igandea, 2019ko Irailaren 22a
Hemen zaude: Hasiera » Bizi hiria » Solte dauden txakurrentzako aisialdi eremuak

Solte dauden txakurrentzako aisialdi eremu berriak

Ondo pasatu zure maskotarekin

Ondo pasatu zure maskotarekin
Leioan, parke, lorategi eta berdegune ugari ditugu, eta horrek bizi-kalitatea hobetzen laguntzen du. Aisialdi-gune horietan nagusiek eta umeek gozatzen dute, eta, lorezaintza eta garbiketa zerbitzuen lanari esker, leioaztarrek modu positiboan baloratzen dituzte inguru horiek. Eremu horietara paseoan eramaten dira txakurrak ere.

Hiri atseginagoa lortzeko bidean, eta oinezkoak eta animaliak errespetuz bizi daitezken elkarrekin, Leioako Udalak txakurrak solte ibiltzeko 13 gune sortu ditu udalerri osoko 10 auzotan, leioaztarren partaidetzarekin eginiko prozesu baten ondorioz. Maskotak aske ibili ahal izango dira inguru horietan guztietan (betiere, jabeen kontrol eta zaintzapean). Zazpi gune 24 orduz erabili ahal izango dira, eta beste seiak, 20:00etatik 9:00etara bitarteko ordutegian.

Txakurrentzako gune berriok urtebetez egongo dira probaldian. Leioako Udalak zonalde horiek bai txakurrek eta bai oinezkoek ahalik eta ondoen gozatzea nahi dugu. Hori dela-eta, epealdi honetan emaitzak onak badira, guneak egonkortu egingo dira. Beraz, alde bien kolaborazioa eskatzen dugu, eta gune horien mugak eta ordutegiak errespetatzea.

Txakurrak solte ibiltzeko 13 guneek, guztira, 70.000 m2-ko gehiago azalera dute, Leioako parke desberdinen barruan. 24 orduko ordutegian, 39.600 m2 daude erabilgarri, hauexek: Aldapa parkea, Artatza parkea, Elexalde parkea, Lamiako, Mendibile parkea, Pinosolo parkea eta Sarriena. Eta ia 31.000 m2 20:00etatik 09:00etara bitarteko ordutegian: Aldapa parkea, Artatza parkea, Kandelazubieta parkea, Mendibile parkea, Ondiz parkea eta Zarragabarrena parkea.

Txakurra badaukazu, gogoan izan...

- Identifikatuta eta erroldatuta izan behar duzu.

- Arriskutsua izan daitekeen txakurra edukitzeko, administrazio-lizentzia lortu behar da.

- Hiri-bide eta espazio publikoetan, bai eta higiezin kolektiboen alde komunetan ere, kontrolpean eta uhal batekin lotuta joan behar da. Uhala egokia izan behar da animaliaren ezaugarrietarako.

- Zu zara txakurrak eragin ditzakeen min, kalte edo eragozpenen erantzulea.

Errespetatu animaliak edukitzeari buruzko ordenantza

Leioako kaleak eta lorategiak leku publikoak dira, guztion gozamenerako tokiak.
Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa