Hemen zaude: Hasiera » Zure Udala » Albisteak
Albisteak 
2012-10-03
Leioako udalak Euskara Biziberritzeko Plan Nagusia (EBPN) diseinatuko du herritarrekin batera
Leioako Udalak Euskara Biziberritzeko Plan Nagusia garatzen jardun du azken urteetan, eta aurten, datozen bost urteetarako plangintza berria herritarrekin batera landu nahi du.
Plangintza berria diseinatzeko momentua egokia da geldialdia egiteko eta eguneroko dinamika baino harago begiratzeko: orain arte egindako ibilbidearen kontzientzia hartu, emandako aurrerapausoak aztertu, hutsuneak eta hobetzekoak identifikatu eta, azken batean, egungo egoeraren diagnostikoa egiteko. Geldialdi horrek etorkizunean jarraitu beharreko norabidea marrazteko oinarriak edo irakasbideak emango dizkigu.
Horretaz gain, herrian euskararen aldeko sentsibilizazio-lana egin nahi dugu: euskararen aldeko jarrerak, jokabideak eta konpromisoak aktibatu eta euskararen garapenean diharduten elkarte eta erakundeen arteko koordinazioa eta lankidetza handitu. Azken batean, hizkuntza-komunitatea egituratu eta sendotu.
Bidean, hainbat lan-mahairekin jardun nahi dugu, alorka banatuta. Lan-mahai bakoitzarekin bi batzar egingo ditugu, ordu bikoak. Udalak Elhuyar Aholkularitza enpresa kontratatu du lan hori bideratzen laguntzeko.
HIru dira lan-mahaiak:
1. Familia, transmisioa eta euskalduntzea
2. Gazteak
3. Aisia, kirola, kulturgintza eta teknologia berriak
Arlo bakoitzean, orain arte egindako lana baloratuko dugu eta datozen bost urteetarako plangintza egingo dugu hortik abiatuta.
Hortaz, herritar guztiak gonbidatu gura zaituztegu zuen alorreko lan-mahaian parte hartzera: gazteak eta nagusiak, langileak eta langabetuak, kirolariak, musikariak, ikasleak, gurasoak, dendariak, irakasleak... Leioaztar guztien arteko lana izango baita oinarria:
Egunak: urriak 3 eta urriak 17
Ordua: 19:00-21:00
Lekua: Mastitxu Udal Euskaltegia (Iparragirre etorbidea, 78)
1. batzarra:
• Orain arte egindako lanaren balorazioa egitea
• Diagnostikoa kontrastatzea
2. batzarra
• Helburu estrategikoak zehaztea eta ekintzak proposatzea
Parte hartu nahi baduzu, deitu 946072576 telefonora edo idatzi euskarateknikaria@leioa.net posta-helbidera. Zain gauzkazu.
Plangintza berria diseinatzeko momentua egokia da geldialdia egiteko eta eguneroko dinamika baino harago begiratzeko: orain arte egindako ibilbidearen kontzientzia hartu, emandako aurrerapausoak aztertu, hutsuneak eta hobetzekoak identifikatu eta, azken batean, egungo egoeraren diagnostikoa egiteko. Geldialdi horrek etorkizunean jarraitu beharreko norabidea marrazteko oinarriak edo irakasbideak emango dizkigu.
Horretaz gain, herrian euskararen aldeko sentsibilizazio-lana egin nahi dugu: euskararen aldeko jarrerak, jokabideak eta konpromisoak aktibatu eta euskararen garapenean diharduten elkarte eta erakundeen arteko koordinazioa eta lankidetza handitu. Azken batean, hizkuntza-komunitatea egituratu eta sendotu.
Bidean, hainbat lan-mahairekin jardun nahi dugu, alorka banatuta. Lan-mahai bakoitzarekin bi batzar egingo ditugu, ordu bikoak. Udalak Elhuyar Aholkularitza enpresa kontratatu du lan hori bideratzen laguntzeko.
HIru dira lan-mahaiak:
1. Familia, transmisioa eta euskalduntzea
2. Gazteak
3. Aisia, kirola, kulturgintza eta teknologia berriak
Arlo bakoitzean, orain arte egindako lana baloratuko dugu eta datozen bost urteetarako plangintza egingo dugu hortik abiatuta.
Hortaz, herritar guztiak gonbidatu gura zaituztegu zuen alorreko lan-mahaian parte hartzera: gazteak eta nagusiak, langileak eta langabetuak, kirolariak, musikariak, ikasleak, gurasoak, dendariak, irakasleak... Leioaztar guztien arteko lana izango baita oinarria:
Egunak: urriak 3 eta urriak 17
Ordua: 19:00-21:00
Lekua: Mastitxu Udal Euskaltegia (Iparragirre etorbidea, 78)
1. batzarra:
• Orain arte egindako lanaren balorazioa egitea
• Diagnostikoa kontrastatzea
2. batzarra
• Helburu estrategikoak zehaztea eta ekintzak proposatzea
Parte hartu nahi baduzu, deitu 946072576 telefonora edo idatzi euskarateknikaria@leioa.net posta-helbidera. Zain gauzkazu.
Partekatu:
HAPO Leioa
Copyright 2010 · Leioako Udala
