2011-09-21
Euskal ondare artistiko eta historikoaren zati bat biltzen duen erakusketa izango da Kultur Leioan
Disko-formako estelek euskal ondare historiko eta artistikoan duten balio handiak erakarrita, Pedro Zarrabeitia Miñaur argazkilariak hainbat urtez jardun du disko-formako estelak bilatzen eta aztertzen, besteak beste, Franskowski, Colas eta Barandiaran bezalakoen azterketetatik abiatuz.
Milaka argazkiren eta 1.153 irudiren emaitza da joan den maiatzean argitaratutako liburu interesgarria. Egun, Leioarako sortutako erakusketa honetan dago ikusgai, eta, bertan, benetako altxorrak diren pieza hauen grabatuen hondakin lauso eta enigmatikoen potentzial sinbolikoa, ikonografikoa eta artistikoa islatzen da.
Non: Erakusketa gela Egunak: Irailaren 23tik urriaren 30era Ordutegia: Astelehenetik ostiralera, 10:00etatik 20:00etara. Larunbatak, igande eta jaiegunak 11:00etatik 14:00etara eta 17:00etatik 20:00etara Sarrera: Doan