2011-07-06
Datorren ikasturterako izen emate epeak ireki dira Sakonetan
Datorren irailaren 1ean hasiko dira ikasturte barriko ikastaroak Sakoneta kiroldegian. Baina, beti bezala, hasi aurretik izena eman behar izango dute parte hartu nahi dutenek. Honetarako hainbat data jarri dira hil honetan herritarren ezaugarrien arabera.
Horrela, bazkide berriek uztailaren 18tik 19ra egin behar izango dute, Leioako herritarrak direnak uztailaren 20tik 21era, eta bestelakoak 22tik aurrera. Izena ematea Sakonetan bertan egin behar izango da ohiko ordutegiaren barruan goizeko 08.00etatik 21.00etara arte.