2011-05-26
“Uda Leioan Gaztea” programan izena emateko epea irekiko da astelehenean
Aurten ere Aterpe Leioa Gazteguneak “Uda Leioan gaztea” kanpaina antolatu du 14 eta 17 urte bitartekoentzat. Helburua gazte hauei udarako ekintza bereziak eskaintzea da, euren adinaren araberako programa batekin uztailaren 1etik 15era.
Izena emateko epea hurrengo astelehenean irekiko da, maiatzak 30, eta ekainaren 1era arte izango da zabalik. Izena emateko interesa dutenek Gaztegunera joan beharko dute 10.00etatik 14.00etara edo 16.30etik 20.30era.
Programa honek 30 plaza ditu, beraz, eskarien kopurua handitzen bada zozketaren bidez aukeratuko dira parte hartzaileak. Zozketa hau ekainaren 8an izango zen 17.30ean Gaztegunean.
Programan parte hartzeko ordaindu beharreko tasa 40 eurokoa da Kultur Leioako lagunentzat eta 65 gainontzekoentzat. Honetaz gain, gogoratu behar da Leioan erroldatuta egotea ezinbestekoa dela.