2011-03-28
Euskara Zerbitzuak Txilinbueltaka eta Gazterpe Abentura irteera berriak prestatu ditu
TXILINBUELTAKA eta GAZTERPE ABENTURA programen irteera berriak antolatu ditu Leioako Euskara Zerbitzuak. Txilinbueltakako txikiak Orioko aterpetxera joan ahal izango dira eta Gazterpeko gaztetxoek Zugarramurdira joateko aukera izango dute. Irteera bi hauetan izena emateko epea bihar hasten da eta datorren apirilaren 5era arte izango da zabalik.
Txilinbueltaka programa arrakastatsuak umeen aisialdian euskara txertatzea du helburu, beraz, 1999 eta 2004 bitartean jaiotako Leioako ume euskaldunentzat zuzenduta dago bereziki. Urteko bigarren irteera honetan Orioko aterpetxera joango dira apirilaren 26tik 29ra.
Bestalde Gazterpe Abentura 1995tik 1998etara bitartean jaiotako gazteentzat zuzendutako ekintza da. Hauek Zurragamurdira joateko aukera izango dute, bertan, beste ekintza batzuen artean honakoak egin ahal izango dituzte mendi ibilbidea, txangoa kobazulora, paseoa zaldiz edota animazio ekintzak. Irteera hau ere apirilaren 26tik 29ra arte izango da.
Irteera bien gaineko informazio gehiago atxikitutako dokumentuetan edo Euskara Zerbitzuan (Jose Ramon Aketxe plaza 11 4. solairuan (Kultur Leioa)
Telefonoa: 94 607 25 76. e-posta: euskarazerbitzua@leioa.net)
Partekatu:
Itzuli