Leioa
Bilaketak
Ostirala, 2024ko Apirilaren 19a
Hemen zaude: Hasiera » Zure Udala » Albisteak

Albisteak RSS

2024-03-07 Udalaren visitleioa.eus webgune berriak udalerriko turismo eta gastronomia erakargarriak erakusten ditu Helburua Leioa herri turistiko gisa sustatzea da, haren paisaia-aberastasuna, ondare historikoa eta profil gastronomikoa balioetsiz.
/

Leioako Udalak udalaren webgune berri bat jarri du martxan, visitleioa.eus, udalerriko erakargarritasun turistiko eta gastronomikoei buruzko informazio guztia bildu eta batzeko.

Helburua Leioa herri turistiko gisa sustatzea da, haren paisaia-aberastasuna, ondare historikoa eta profil gastronomikoa balioan jarriz. visitleioa.eus-ek kontsultarako gune bat izan nahi du, Leioa bisitatzen duten udalerriaren beraren xehetasunak ikusi ahal izan ditzaten, hala nola kokapena, kultura edo ohiturak, bai eta aisialdiko, kiroleko edo gastronomiako planak ere, besteak beste.

Web orri hau leioaztarrentzat ere erabilgarria izan nahi du, euren udalerriak eskaintzen dituen aisialdi eta gozamenerako aukera guztiak kontsultatu ahal izango baitituzte.

WEB EGITURA
Webgunea oso bisuala da eta nabigazio intuitiboa eta erraza ahalbidetzen du. Hainbat ataletan banatzen da; lehena, HASIERA atalekoa, Leioako sarrerako eta aurkezpeneko atearena egiten duena.

Bigarren erlaitzean, EZAGUTU zabaltzen denean udalerriari, bere ondareari -Palacio Mendibile, Ondiz dorrea, Artaza jauregia, Elexaldeko errota, Udondoko zubia, San Bartolome baseliza... - eta bere tradizio eta jaiei -San Juan, Lamiako Maskarada... - buruzko informazioa ematen da, baita Unibertsitateari buruzkoa ere.

Honako atal hauek ditu: EGIN planak: ibilbideak eta natura – mendi-ibiliak, martxa eta lorategiak-, parkeak eta lorategiak -Pinosolo, Artaza, Arboretum, Horoskopo parkea... - artea eta kultura – Bizkaiko Txakolina, Medikuntzaren eta Zientziaren Historiaren Euskal Museoa... -, eskulturak – Leioako Indarra, Proposamen dinamikoa, Besarkada, Askatasunaren Erretaula, Obelisco... – urteroko ekitaldiak – Nekazaritza Azoka, Umore Azoka... – eta kirola – bidegorriak, Torresolo igerilekuak, skate pistak... –.

JAN ETA EDAN eskainitako zatian, Leioako ostalaritza-establezimenduak eta haien eskaintza aztertu ditu, txakolina bereziki aipatuz, Bizkaiko Txakolina Jatorrizko Deituraren egoitza ofiziala baita.

BISITATU atalak jatetxe, ostatu, zerbitzu, kokapen, mapa eta liburuxkei buruzko datu baliagarriak eta interesgarriak biltzen ditu. Azkenik, IRAKURRI-ek Leioari buruzko xehetasun eta istorioak ezagutzera gonbidatzen du nahi duena.


SARE SOZIALAK:
LEIOA UDALA: FACEBOOK / TWITTER / INSTAGRAM
www.leioa.net
www.visitleioa.eus
www.behargintza.net




Partekatu:

Itzuli