Leioa
Bilaketak
Osteguna, 2022ko Abenduaren 08a
Hemen zaude: Hasiera » Zure Udala » Albisteak

Albisteak RSS

2022-08-11 Kamioilari bat atxilotu du Udaltzaingoak baimendutako alkohol-tasa laukoizteagatik eta agenteei erasotzen saiatzeagatik
Gaztelubide / Gaztelubide

Kamioilari bat atxilotu zuen atzo Leioako Udaltzaingoak, alkohol-probetan botatako arnasagatik 1,20 mg/l botatzeagatik, baimendutako tasa baino lau aldiz handiagoa, eta udaltzainei laban batekin erasotzen saiatzeagatik.

Herritarren segurtasunerako lanetan ari zen patruila batek 18 metroko atoidun kamioi bat aurkitu zuen atzo arratsaldean, Gaztelubideko 14. zenbakiaren parean zirkulatzeko zailtasunak zituena. Agenteak gidariarengana laguntza eskaintzera hurbildu zirenean, gidariak komunikatzeko arazoak zituela ikusi zuten, atzerriko hizkuntza bat hitz egiten zuelako, eta, gainera, alkoholaren eraginpean zegoela ematen zuelako. Hori dela eta, dokumentazioa eskatu eta alkoholemia-proba egin zioten: botatako airearen lehenengo tasa 1,20 mg/l-koa izan zen, eta bigarren proban 1,19 mg/l-koa, hau da, baimendutakoa baino lau aldiz handiagoa.

Gidaria berehala atxilotu zuten, bide-segurtasunaren aurkako delitua egotzita. Agenteek matrikula kroaziarra zuen ibilgailuaren dokumentazioa egiaztatzen zuten bitartean, atxilotuak ibilgailuaren barrutik zerbait hartzeko baimena eskatu zuen. Orduan, agenteei eraso egiten saiatu zen,kamioian zeraman laban handi batekin.

Liskarraren ondoren, atxilotua udaltzaingoaren bulegora eraman zuten, bide-segurtasunaren aurkako delitua eta agintaritzaren agenteen aurkako atentatua egotzita. Bitartean, kamioia kendu eta eremu seguruan ibilgetu zuten, zirkulazioa oztopatzen ez duen lekuan. Oraindik gaur Leioako Udaltzaingoaren egoitzan dago, nor den egiaztatu arte, epailearen esku uzteko.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa