2017-10-18
Umeen Bizikleta festak Erandio, Leioa eta Berango batuko ditu igandean
Umeen Bizikleta Festa Leioatik igaroko da igande honetan, hamaikagarren edizioan. Ohiko ibilbidea egingo da; Erandiotik irten 11:30ean, eta Leioatik pasa ostean, Berangora heldu 13:30ean. Arratsaldean jolasak izango dira Berangoko Moreaga parkean txikienentzat, eta txokolatadarekin amaituko da jaia eguna 18:00etan.
Leioara 12:30ean aldera iritsiko dira ziklistak, itsasadarreko errepidetik sartu eta Bulebarrera igoko dira, bertan indarrak hartzeko aukera izango dute eta, segidan, Berangora bidean jarriko dira.