Hemen zaude: Hasiera » Zure Udala » Albisteak
Albisteak 
2014-11-26
Leioako eskola-umeek ere emakumeen aurkako indarkeria errefusatzen dute
Emakumeen aurkako indarkeria salatzeko atzoko elkarretaratzeak partaide berriak izan zituen, udalerriko eskola-umeak alegia. Aurten, Barandiaran Institutuko, Betiko ikastolako, Artatza institutuko eta Mesedeetako Andra Mariren ikastetxeko 300 ikaslek baino gehiagok parte hartu dute.
12 eta 18 urte bitarteko gazte leioaztarrak indarkeria matxistaren aurka sentsibilizatu eta motibatzeko asmoz, Beldur barik kanpainan eta Leioako Udalaren III. Berdintasun Planean aurreikusitako ekintza bat egokituz, Berdintasun Saila koordinatu egin da Leioako eskolekin ekintza desberdinak jorratzeko egun horretan.
DBH 1 eta Batxilergoko 2. mailara arteko ikasgela guztietan, paperezko 900 puntu lila (folio tamainakoak) banatu dira ikasle bakoitzak bere mezua, irudia, ikurra jar zezan indarkeria matxistaren aurkako jarrera erakuste aldera.
Ondoren, ikasgeletan, ikasleek banakako edo taldekako argazkiak egin zituzten prestatutako puntu lila horiekin. Horrez gain, kanpainan parte hartu duten ikastetxeetan, puntu lila eta Udalaren irudi korporatiboa daramaten 900 txapa banatu dira.
Ikasleei, gainera, proposatu zitzaien euren sare sozialetako profilak puntu lilarekin eguneratzea, emakumeen aurkako indarkeria errefusatzeko adierazpide gisa.
12 eta 18 urte bitarteko gazte leioaztarrak indarkeria matxistaren aurka sentsibilizatu eta motibatzeko asmoz, Beldur barik kanpainan eta Leioako Udalaren III. Berdintasun Planean aurreikusitako ekintza bat egokituz, Berdintasun Saila koordinatu egin da Leioako eskolekin ekintza desberdinak jorratzeko egun horretan.
DBH 1 eta Batxilergoko 2. mailara arteko ikasgela guztietan, paperezko 900 puntu lila (folio tamainakoak) banatu dira ikasle bakoitzak bere mezua, irudia, ikurra jar zezan indarkeria matxistaren aurkako jarrera erakuste aldera.
Ondoren, ikasgeletan, ikasleek banakako edo taldekako argazkiak egin zituzten prestatutako puntu lila horiekin. Horrez gain, kanpainan parte hartu duten ikastetxeetan, puntu lila eta Udalaren irudi korporatiboa daramaten 900 txapa banatu dira.
Ikasleei, gainera, proposatu zitzaien euren sare sozialetako profilak puntu lilarekin eguneratzea, emakumeen aurkako indarkeria errefusatzeko adierazpide gisa.
Partekatu:
HAPO Leioa
Copyright 2010 · Leioako Udala
