2013-04-12
Familian euskaraz jolasteko topagunea izango da gaur Euskal Etxeen plaza
Leioako Euskara Zerbitzuaren ekintza berria jartzen da martxan gaur bertan. ‘Barikuetan jai’ izena duen programa honek famili osoa euskaraz jolasteko eta bizitzeko helburua du.
Honetarako hainbat ekintza desberdin antolatu dira gaurko, 17.00etatik 20.00etara arte, Euskal Etxeen plazan. Hauen artean, txikienentzako ludoteka (0-3 urte): marrazteko eta eskulan txikietarako mahaiak eta aulkiak, trizikloak, psikomotrizitaterako baliabideak, eraikuntza jolasak…: familientzako txapa eta hozkailurako imanak egiteko tailerra, makillaje eta globoflexia tailerra, familientzako jolasgunea –euskal jolasak, munduko jolasak.