Leioa
Bilaketak
Asteartea, 2024ko Apirilaren 16a
Hemen zaude: Hasiera » Zure Udala » Albisteak

Albisteak RSS

2024-01-15 Leioako I. Kirol Galak bere lorpenengatik nabarmendu diren kirolariak eta klubak sarituko ditu eta herriko kirol sare osoaren lana aitortuko du Ekitaldia datorren ostegunean, urtarrilaren 18an, egingo da, 19:00etatik aurrera, Kultur Leioako auditoriumean.
/

Udalak Leioako I. Kirol Gala antolatu du datorren ostegunean, urtarrilak 18, 19:00etatik aurrera, Kultur Leioako auditoriumean, Iban Rodriguez Etxebarria alkatea buru dela.

Ekitaldi honek bi helburu ditu: batetik, kirol-lorpenengatik nabarmendu diren kirolariak eta klubak saritzea, eta, bestetik, 25 kirol-entitateek "herriko kirol-jarduera osasungarriari egindako ekarpena eta egindako lana” goraipatzea.

Bost sari banatuko dira, eta horien artean azpimarratzekoa da Ohorezko Saria, iaz hil zen Juan Ramón Rodriguez Leioa Saskibalioko presidentearentzat izango dena.

1990ean, Leioa Saski Baloi Taldearen aitzindari eta sortzaileetako bat izan zen, eta 30 urtez izan zuen presidente. "Bere konpromisoak, bere dedikazioak eta klub honen buru gisa egindako lan handiak aukera eman die leioaztarrei kirol hau praktikatzeko eta gozatzeko".

Gainera, beste lau sari gehiago banatuko dira:

• Kirolaririk onena: Irristaketa Leioa Taldeko Ane Puccini.
Leioaztar honek hainbat arrakasta lortu ditu bere ibilbidean zehar eta 2023an Euskadiko Patinaje Artistikoko Txapelketan, gazteen kategorian, lehen postua lortzeagatik nabarmendu da. Arrakasta horri beste batzuk gehitu behar zaizkio, hala nola Bilbo Hiria V. Trofeoan, Noaingo Arcos III. Torneoan edo Leioako Udaletxearen XI. Sarian lortutako lehen postuak, Nafarroako Kopan eta Langreo Hiria Sarian lortutako hirugarren postuez gain.

• Talderik onena, Club Sakoneta Gimnasia Erritmiko Taldearentzat.
Naroa Ribeiro, Araia Salazar, Eneko Lambea, June Orza eta Julene Erañak osatutako taldeak garaipena lortu zuen iaz senior mailako Espainiako Txapelketan eta baita Espainiako Kopan ere. Arrakasta horiez gain, lehen kategoria berreskuratzea lortu dute.

• Kirol ibilbidea, Kirol Zaleak elkarteari emango zaiona.
Jose Luis Bilbaok, Guillermo Bilbaok eta Jesús Bastidak jasoko dute saria, 40 urtez Leioan ez ezik, Bizkaia osoan ere herri kirolak sustatzen eman duten lanagatik.

Kirol Zaleak taldeak 1970ean ekin zion bere ibilbideari Leioan, harri-jasotzaileen eskola batekin, eta harrezkero, euskal herri-kirolen modalitate desberdinak sustatu ditu. Beren ibilbidean zehar, besteak beste, Holandan ospatu ziren Europako txapelketetan brontzezko domina lortu zuten sokatira taldeak bultzatu dituzte.

• Kirola sustatzea, Ibarakirentzat.
Duela 20 urte sortutako klub hau nabarmendu egiten da eta saria merezi du oinarrizko kategorietan eta emakumezkoen kirolean kirola sustatzeagatik.

Epaimahaia Estibaliz Bilbao Kultura eta Kirol zinegotziak eta udal langileek osatu dute. Leioako kirol erakundeek egindako proposamenen artean aukeratu dituzte sarituak.

AINTZATESPENAK

Leioako Kirolaren lehen Gala honetan, Udalak bere ibilbidean edo azken urteetan nabarmendu direnen kirol-lorpenak ez ezik, " herriko 25 kirol entitateek egiten duten lana eta egiten duten ekarpena, Leioa kirol eskaintza zabala eta osasungarria duen udalerria izateagatik " ere aintzatetsi nahi ditu.

Horrela, sariak banatu aurretik, kirol arloko leioaztar erakunde guztiek esker ona jasoko dute Udalaren eskutik.

SARE SOZIALAK:
LEIOA UDALA: FACEBOOK / TWITTER / INSTAGRAM
www.leioa.net

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa