Leioa
Bilaketak
Asteartea, 2024ko Apirilaren 16a
Hemen zaude: Hasiera » Zure Udala » Albisteak

Albisteak RSS

2023-12-18 Olentzero eta Mari Domingi urteko gau magikoenean Leioako etxe guztiak bisitatzeko azken prestaketekin daude Leioako Udalak jarduera programa zabala prestatu du, batez ere txikienentzat eta haien familientzat.
/

Olentzerok eta Mari Domingik ez dute hutsik egingo Leioako bizilagunekin duten urteroko hitzorduan. Gaur goizean, Iban Rodriguez Etxebarria alkateak, Estibaliz Bilbao Kultura zinegotziarekin batera, Elexaldeko Errota bisitatu du non Olentzero eta Mari Domingi prestatzen ari dira azken detaileak leioaztar etxe guztiak bisitatzeko urteko gaurik magikoenean.

Iban Rodriguez Etxebarriak Olentzerorekin eta Mari Domingirekin hitz egin du, urte sasoi honetako ilusioaz hitz egin dute, batez ere haurrentzat, eta bi mezu garrantzitsu ere zabaldu dituzte, lehenengoa: jostailuek ez dutela generorik, sexuak ez duela zehazten mutilek zerekin jolastu behar duten eta neskek zerekin jolastu behar duten, "garrantzitsuena haur bakoitzari zer gustatzen zaion da, bere zaletasunak, bere gutunetan nahi dutena idatzi behar dute, dibertitzen diren hori". Bigarren mezua herriko kale, plaza eta parkeetan lagunekin jolastuz gozatzearen garrantzia gogorarazteko izan da, "elkar ezagutuz, partekatuz, elkarrengandik gozatuz, auzoetako plazetan jolas amaigabeen arratsaldeak berreskuratuz".

Bisitan, Leioako alkateak Udalak Gabonetako programazioan prestatu dituen ekitaldi nabarmenetako batzuk ere zehaztu ditu, kaleak aisialdi- eta dibertimendu-jarduerez beteko baititu.

OLENTZERO, MARI DOMINGI ETA ERREGE MAGOAK

Abenduaren 24ra arte, nahi duenak gutunak utz diezazkieke Olentzero eta Mari Domingiri Kultur Leioan, Kiroldegian, Pinuetako Herritarrentzako Zerbitzuan, Lamiako, San Bartolome, Txomin Aresti, Artaza eta Altzagako ikastetxe publikoetan.

Abenduaren 22an, ostirala, Leioako Merkatarien Elkarteak bultzatutako ekimen batean gaztaina erreak banatuko dira doan, Boulevardean, 18:00etatik aurrera.

Igandean, hilak 24, Olentzero eta Mari Domingi Leioako kaleetan zehar ibiliko dira. 17:00etan Elexaldeko errotatik irtengo dira, Boulevardetik jarraituko dute, Estartetxe, Iparragirre, Errekalde plaza, Kultur Leioa eta Elexaldeko Errotara itzuliko dira, non leioaztarrei harrera egingo zaien.

Olentzerok eta Mari Domingik Lamiako auzoak bisitatuko dituzte (17: 30ean, irteera metro geltokitik) Txorierri (irteera 18: 00etan eta harrera 19: 00etan Baserrian, ona egiten badu, edo Txorierriko Umeen Elkartearen gelan, euria egiten badu), Pinueta (17: 30ean, irteera Santa Eugenia plazatik)

Olentzerok eta Mari Domingik euren lana egin ondoren, Errege Magoen txanda izango da. Abenduaren 27tik urtarrilaren 5era bitartean Ekialdeko Erregeei zuzendutako gutunak jasoko dira Kultur Gunean, Kiroldegian eta Pinuetako Herritarrentzako Arreta Zerbitzuan.

Urtarrilaren 5ean, ostirala, 18:00etatik 21:00etara, Errege Magoek harrera egingo diete haurrei Kultur Leioan, eta 18: 00etatik 20: 00etara Lamiakoko Nagusien Etxean.

KANPANADA TXIKI

Leioako haurrak izango dira urtea agurtuko duten lehenak Kanpanada Txikiekin, igandean bertan, abenduaren 31ean, baina goizean, 11:30ean, Errekalde plazan.

LUDOTEKA ETA TAILERRAK

Etxeko txikienei zuzendutako aisialdiko programazioak Ludotekarekin eta haurrentzako tailerrekin jarraituko du. Urtarrilaren 3tik 5era bitartean egingo dira, Kandelazubietan, goizeko 11: 00etatik 14: 00etara eta arratsaldeko 17: 00etatik 20: 00etara (5ean goizez bakarrik).

Ludotekaren jarduerak 2 eta 5 urte bitarteko umeentzat pentsatuta daude, eta 6 eta 12 urte bitarteko umeentzat tailerrak, bola-igerilekuak, puzgarriak, pintakarak, eskulanak, familia-jolasak eta kirol-gunea egongo dira, besteak beste.
Saio bakoitzak (goizez edo arratsaldez) bi euroko kostua du eta interesa duten familiek jarduera hasi baino ordu erdi lehenago eman dezakete izena.

GABONETAN ANTZOKIRA
Aurten ere, Udalak Gabonetan Antzokira programaren aldeko apustua egin du, txikienek, 3 eta 12 urte bitartekoek, eta haien familiek antzerkiaz goza dezaten. Lau ikuskizun eskainiko ditu azaroaren 26tik 29ra bitartean, 18:00etan, Kultur Leioan.

Asteartea, abenduak 26
Kutxartean. Paraiso Antzokia (Euskadi)

Asteazkena, abenduak 27
Pin Pang. Xabi Larrea (Euskadi)

Osteguna, abenduak 28
Loti Ederrak. Glu Glu Producciones (Euskadi)

Ostirala, abenduak 29
Bo Jauna. Marie de Jongh (Euskadi)

KONTSERBATORIOKO EMANALDIAK

Udal Kontserbatorioak eta Musika Eskolak Gabonetako hainbat entzunaldi eta kontzertu programatu dituzte:

Astelehena, abenduak 18
17:00 Erabilera anitzeko aretoa
Gitarra entzutea

18:00 Erabilera anitzeko aretoa
Fagota entzutea

19:30 Kultur Leioa
Gabonetako Kontzertua - Kontserbatorioko orkestrak
Zuzendariak: Miguel Torres, Amaia Gutierrez

Abenduak 19, asteartea

19:30 S. Joan Bataiatzailearen eliza, Leioa
"Hator-hator 2023" DONIENE ABESBATZA
Zuzendaria: Garbiñe Abendaño

19:30 Kontserbatorioa, auditorioa
Ganbera-musika

Abenduak 20, asteazkena

18:00 Kontserbatorioa, auditorioa
Hari-instrumentuetako ikasleak

20:00 S. Joan Bataiatzailearen eliza, Leioa
"Hator-hator 2023" Abesbatzen Taillerrak/Kantika Korala/SanJuan Bautista Abesbatza
Zuzendariak: Basilio Astúlez eta Ana Camilo

Osteguna, abenduak 21

18:00 Eroski La Avanzada
Gabonetako kontzertua. Moduluen Orkestra
Zuzendaria: Jone Miren Elorduy

19:30 S. Joan Bataiatzailearen eliza, Leioa
"Hator-hator 2023" Ganbera musika eta instrumentu taldeak

Ostirala, abenduak 22

19:30 Arriaga Antzokia (BILBO)
Kantika Korala
Zuzendariak: Basilio Astúlez
Pianista: Luis López
Perkusionista: Ander Lekue

Larunbata, abenduak 23

20:00 JOAQUÍN RODRIGO AUDITORIOA (LAS ROZAS - MADRIL)
Kantika Korala
Zuzendariak: Basilio Astúlez
Pianista: Luis López
Perkusionista: Ander Lekue

Osteguna, abenduak 28
20:00 MIRANDA EBROKO KULTUR ETXEA
Kantika Korala
Zuzendariak: Basilio Astúlez
Pianista: Luis López
Perkusionista: Ander Lekue

SARE SOZIALAK:
LEIOA UDALA: FACEBOOK / TWITTER / INSTAGRAM
www.leioa.net

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa