Leioa
Bilaketak
Osteguna, 2024ko Martxoaren 28a
Hemen zaude: Hasiera » Zure Udala » Albisteak

Albisteak RSS

2022-05-21 Umore Azokak bere egun nagusia biziko du gaur, 28 emanaldirekin
/

Umore Azokak hirugarren egunari ekingo dio gaur, 12: 30ean hasi eta goizaldera arte iraungo duten ia 30 emanaldirekin.
Eguraldi bikainarekin, Leioako Udalak, Eusko Jaurlaritzaren eta Bizkaiko Foru Aldundiaren laguntzarekin, antolatzen duen Kale Artisten Azoka bere ediziorik arrakastatsuenetako bat ospatzen ari da, pandemiaren aurreko erritmoari aise helduz.
Atzo, ostirala, Mendibile Jauregian egin ohi den Harrera Ofizialean, 2022ko Umore Azoka Sari Berezia eman zitzaion José Luis Ibarzabali, erretiratzear dagoen Eusko Jaurlaritzako Kultura Arloko funtzionarioa, lanbideak asko maite duen pertsona. Ekitaldi berean, 2019ko ekitaldiko ikuskizun onenen sariak jaso zituzten Dikothomia, Delrevés Danza Vertical eta UpArte konpainiek.
Ikuskizunak arratsaldean iritsi ziren. Publikoak txalo zaparrada ugari bota zituen, besteak beste, Les Spectacles del 23 -martxa handiko akrobata familia bi- eta Harrobi Dantza -dantzariak Kultur Leioako fatxadaren gainean zintzilik, Oreka Tx-en txalapartaren doinuan- konpainien emanaldiengatik. Hunkitu egin zituzten Visitants-en obra -36ko Gerrak zuzenean eragindako bost emakumeren istorio gogorra- eta Barsantirena -suizidioari buruzko pieza batekin- eta Maitane Sarralderen eta Maduixaren dotorezia handiko dantza ikuskizunak, baita Pla D 'Annunzio, Ertza eta Nova Galega de Danzaren proposamenak ere.
Jendeak Pistacastro & Duelirium taldearen ‘Vértigo’ ikuskizunetan eutsi zion arnasari, eta Circo Ga, Botproyectect/Lucas Ruiz, La Trapecionista, Kanbahiota, Cirk About It, Kanbahiota, Truca Circus eta Das Arnak taldeen piruetak eta akrobaziak miretsi zituen.

Gainera, ikuslegoak Demodé Quartet lagundu zuen bere kantuetan, eta gogoz egin zuen barre To R Mansion japoniar zentzugabeekin, Circulum mantxarrekin eta La Mecánica eta bere ur ontziekin. Ikusleek modu aktiboan hartu zuten parte La Pezen ikuskizunean - 'Rotonda Circus' -, Jon Zabalen trikimailu eta psikoasmakizunekin harritu ziren eta Rouge Eléaren ‘Hemen gaude dena ondo’ peizaren pertsonaien ibilerak arretaz jarraitu zituzten.
Gaur zehar, konpainia horietako batzuek bigarren emanaldi bat eskainiko dute eta beste batzuk estreinatuko dira, hala nola Hika Teatroa, Dantzaz, Trakamatraka, Elelei, Coraçao Nas Mâos, Associazione Eccentrici Dadaró, Michele & Francisca, Xa!, Deabru Beltzak, Markeliñe eta Jokai.
Umore Azokaren XXII. edizioa bihar eguerdian iritsiko da amaierara, Coraçao nas Mâos, Associazione Eccentrici Dadaró, Dantzaz, Elelei, Michele & Francisca, Xa! eta Zanguango taldeen emanaldiak eta Jokairen jokoak eskaini eta gero

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa