Leioa
Bilaketak
Osteguna, 2024ko Martxoaren 28a
Hemen zaude: Hasiera » Zure Udala » Albisteak

Albisteak RSS

2022-11-25 Azaroaren 25erako Leioako adierazpena, 2022ko Emakumeen aurkako indarkeriaren aurkako Eguna dela eta
25N / Azaroak 25

Azaroaren 25ean, emakumeek espazio publikoa berdintasun-baldintzetan erabiltzeko eta gozatzeko duten eskubidea aldarrikatu nahi dugu, erabateko herritartasun-eskubideak baliatzeko berme gisa, eta, azken batean, beren askatasun indibidual eta kolektiboaren garapenaren berme gisa.

Aurrerapenak lortu dira emakume askok banaka eta mugimendu feministek eta beste erakunde batzuek ahalegin saiatua eginez espazio publiko eta pribatuen banaketaren dikotomia gizonen eta emakumeen artean gainditzeko. Hala ere, oraindik desberdintasun handiak daude batzuek eta besteek bizitza publikoan parte hartzeari, gure hirietako eta herrietako kaleak gozatzeari eta bereganatzeari buruz egin dezaketen erabileran.

Berdintasunezko erabilera hori mugatzen duten mekanismo ugarien artean, mundu osoko emakumeek eta neskatoek espazio publikoan jasaten duten sexu-indarkeria jarri nahi dugu ardatz.

Indarkeria matxista normalizatuaren testuinguruan emakumeen eta nesken aurka egiten den sexu-indarkeriak helburu argia du, funtzio sozial zehatza, emakumeak kontrolatzea eta haien askatasuna murriztea. Zehazki, jai- eta aisialdi-testuinguruetan eragindako sexu-indarkeriak emakumeen sexualitatea kontrolatzeko funtzio hori betetzen du, baita emakumeen nahia, gorputza, mugikortasuna, espazio publikoaren okupazioa, gizarte-harremanak eta berdintasunez gozatzeko eskubidea libreki adierazteko ere.

Beraz, politika publikoen eta euskal administrazioen betebeharra eta helburua da eskura dituzten estrategia eta mekanismo guztiak sustatzea, emakumeek eta neskek herritartasun osoa izan dezaten gure hiri eta herrietako espazio fisikoan, eta berdintasun-baldintzetan erabili ahal izan dezaten.

Kontuan izan behar dugu eskatutako eskubidearen erabilera ez dela segurtasunera mugatzen, baizik eta eremu batean bizitzeko eta sozializatzeko, bereganatzeko eta eraldatzeko irispidea eta askatasuna ere badaudela, emakumeen eta nesken interes, nahi eta premien arabera.

Toki-administrazioei dagokie, beren politika publikoen eta hiri-plangintzaren bidez, espazio publikoak emakumeen aurkako indarkeriarik gabeko leku lagunkoi bihurtzea.

NBEren Emakumeak Hiri Seguruak eta Espazio Publiko Seguruak mundu mailako ekimenak emakume eta neskatoentzako espazio publiko seguru eta ahalduntzaileak sortzea sustatzen du, sexu-jazarpenik eta bestelako sexu-indarkeriarik gabe, Berdintasunaren eta Emakumeen aurkako Indarkeriarik Gabeko Bizitzen aldeko Herri Itunaren ildotik.

Esparru horretan, Leioako Udalak konpromiso hauek hartzen ditu bere gain:
1. Hainbat partaidetza-prozesuren bidez, emakumeei espazio publikoa ukatzeko moduak sakonki ezagutzea, haien beharrei erantzun egokia emango dieten politika publikoak diseinatzean eta garatzean kontuan hartzeko.

2. Legeak eta politika integralak modu eraginkorrean ezar daitezen bultzatzea, eremu publikoetan sexu-indarkeria prebenitzeko eta horri erantzuteko, gaitasunak garatuz, sentsibilizazio-, prebentzio-, kontzientziazio- eta komunitate-mobilizazioko programak eta beste estrategia batzuk eginez, eta arreta erreparatzailea eta ahalduntze-jomuga bat eskainiz.

3. Jarreretan eta portaeretan aldaketak bultzatzea, emakumeek eta neskek indarkeriarik gabeko espazioez gozatzeko duten eskubidea bermatzeko, errespetuzko genero-harremanak, genero-berdintasuna eta segurtasuna sustatuz espazio publikoetan, arreta berezia jarriz jai-esparruetan.

4. Indarkeria digitala prebenitzeko eta hari erantzuteko estrategia indartzea, Laket Ahalduntze Eskolaren prestakuntza-eskaintzan eta ikastetxeekin, hezkidetza-tailerren bidez.

5. Espazio publikoetan benetako eta hautemandako segurtasunean inbertsioak sustatzea, Leioan egindako partaidetza-prozesuak eta azterlanak kontuan hartuta eta hiri-plangintzan genero-ikuspegia ziurtatuta, emakumeen beharrak kontuan har daitezen.

6. Berdinsarea indartzea, tokiko jardunbide egokien sare gisa, ekimenei eta jardunbide egokiei buruzko ezagutza trukatzea errazteko, hiri eta herri seguruak eta inklusiboak lortzeko emakumeentzat eta neskekin.
7. Beste erakunde eta administrazio batzuekin, Emakunderekin eta foru-aldundiekin lankidetzan aritzea, besteak beste, bai eta sare sozial eta feministarekin ere, emakumeek eta neskek espazio publikoaz segurtasunez eta berdintasunez gozatu ahal izan dezaten.

8. Berdintasun-unitateak egonkortzea eta indartzea, eta hurrengo lan-eskaintza publikoan berdintasun-teknikariaren lanpostua betetzea sartzea.

9. Indarkeria matxistarekin lotutako baliabide, zerbitzu eta prozesuen doakotasunari eustea, horien kudeaketan diskriminazioa saihestuz.

10. Sexu-jazarpeneko eta sexuan oinarritutako jazarpeneko protokoloa egiten amaitzea udal-langileentzat, langile publikoen eta edozein erakunde edo erakunde publikoren espazioak indarkeria matxistarik gabeko guneak direla bermatzeko.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa