2010-02-01
Leioako udaltzainek gazte batek bere buruaz beste egitea ekiditu dute
Leioako udaltzainek gazte leioaztar batek bere buruaz beste egitea ekiditu zuten atzo Metroko geltokian.
Atzo, igandea, goizeko 6.15ean gertatu zen. Herri Segurtasuneko patruila batek neska bat ikusi zuen negarrez Leioako Metroko geltokitik hurbil. Neskak, O.R.C eta bilbotarra, ezer ez zitzaiola pasatzen adierazi zien agenteei.
Honen ostean, metro geltokiaren gainean dagoen eskulekuan mutil bat zegola jesarrita konturatu ziren. Hurbiltzerakoan trenbidera botatzen ahalegindu zen mutila, baina agenteek hau egin baino arinago hartu zuten eta toki hortatik urruntzea lortu zuten.
Hau gertatu eta gero gaztea, A.A.P eta leioaztarra, negarrez hasi zen, alkoholaren eraginpean baitzegoen. Gazte biekin berba egin eta gero bikotea zirela jakinarazi zuten. Lasaitu eta gero agenteek etxera eraman zuten gaztea.