2010-02-18
Barrence Whitfield eta Petti-ren flok, country eta rock-a bihar Kultur Leioako Kafe Anbiguan
Whitfield rock&rollaren, funkaren eta soul musikaren legenda da. Urte askoan izan da The Savages taldearen kide; hainbat kontzertutan hartu du parte Richard Thompson, Solomon Burke, Los Lobos, Taj Mahal eta beste hainbat artistarekin batera, eta, azkenaldian, The Hi-Risers taldearekin, Bo Diddley lagun izandakoari omenaldia eginez.
Petti nafarrak Anarirekin, Txuma Murugarrenekin eta Rafa Ruedarekin egin du lan. Biak dira folkeko, countryko eta blues-rockeko musikari apartak, bai Euskadin bai Amerikan. Bera eta Boston, gaztetasuna eta esperientzia, euskara eta ingelesa, den-dena musikak bildua. Oraingo honetan, modu akustikoan.