2020-03-25
Leioako Udalak ematen dituen elikatzeko laguntzak, COVID-19aren ondorioak arintze aldera
Leioako Udaleko Gizarte Ongizate Sailak elikatzeko dirulaguntzak jarri ditu abian, udalerrian erroldatuta dauden eta DSBE diru-sarrerak bermatzeko errenta jasotzen duten eta 3 eta 16 urte bitarteko haurrak eskolatuta dituzten familia-unitateentzat, baldin eta eskola-jantokiak ixtearen ondorioz adingabe horien beharrezko gastuei aurre egiteko baliabide nahikorik ez badute, hala erabakita Covid-19ak eragindako osasun-krisialdia kudeatzeko alarma-egoera deklaratzen duen martxoaren 14ko 463/2020 Errege Dekretuaren arabera.
Aparteko diru-laguntza horren bidez, hilean 100 euro ordainduko dira familia-unitate bakoitzeko, eskola-jantokiak ixten diren bitartean, egoera hori dela-eta adingabe horien elikadura osatzeko.
Eskabideak aurkezteko epea oinarri hauek argitaratzearekin batera hasiko da, eta eskola-jantokien irekiera normalizatuarekin amaituko da. Eskaerak ahoz egingo dira 688.657.076 telefonoaren bidez, edo, bestela, posta elektronikoz honako helbide elektroniko honetan: elikaduralaguntza@leioa.net