2020-01-16
Guztira 2.500 lagunek ezagutu zuten Artatza jauregia, antzeztutako bisitekin
Leioako Udaleko Kultura Sailak antolatutako antzerki-bisitek harrera ona izan dute ikusleen artean eta, ekimen honen bitartez, guztira 2.500 pertsonak bisitatu dute eraikin enblematiko hau.
Artatza jauregiak interes handia pizten du leioaztarren eta beste udalerri batzuetako pertsonen artean. Horregatik, antzerki-bisitez gozatzeko Udalak eskainitako plazak argitaratu eta ordu gutxira agortu ziren, aurreikuspen guztiak gaindituz. Guztira, 16 bisita jardunaldi izan dira, asteburuetan azaroaren 16tik urtarrilaren 10era. Azken 4 egunetan, gainera, bisitak Leioako ikastetxe publikoetako ikasleei begira egin ziren.
Kultura sailak oso balorazio positiboa egin du ekimen honen inguruan, eta publikoaren erantzunagatik esker ona agertu du. Eusko Jaurlaritzak Leioako Udalari jauregiaren erabilera laga zionetik, Udalak ahalegina egin du eraikina berreskuratzeko, udalerriko kultura-eskaintzaren zati gisa. Eta ildo horretan jarraituko du lanean, leioaztarrek Jauregiaz goza dezaten jarduera berriak eskainiz.