Leioa
Bilaketak
Ostirala, 2024ko Martxoaren 29a
Hemen zaude: Hasiera » Zure Udala » Albisteak

Albisteak RSS

2010-01-08 Leioak beste 45 udalerriekin bat egin du haurrak euskarazko ereduan matrikulatu daitezen sustatzeko Bizkaiko 45 udalerri batu dira eta urtarrilaren erditik aurrera informazio-kanpaina bat abiaraziko dute, haurrak D ereduan matrikula daitezela sustatzeko. 7.600 liburuxka banatuko dira kanpainan zehar, 2-3 urteko haurrak dituzten gurasoek matrikulazio-kanpaina hasi aurretik ezagutu ahal dezaten zer den hezkuntzako D eredua eta zein arrazoi dauden euskara hutsean eskaintzen den eredu hori aukeratzeko.

Informazio-kanpainaren leloa “D bitamina. Aberastu bere heziketa!” da, eta Gabonak amaitu eta gero hasiko da, Bizkaiko 45 udalerritan: 2 eta 3 urte arteko haurrak dituzten 7.600 familia izango ditu xede. Kanpaina honetan 23 udalerrik eta 3 mankomunitatek hartuko dute parte: Arrieta, Abanto-Zierbena, Arrigorriaga, Balmaseda, Berango, Berriz, Bilbo, Enkarterri, Erandio, Etxebarri, Fruiz, Gamiz-Fika, Gatika, Gordexola, Laukiz, Leioa, Maruri-Jatabe, Mungia, Muskiz, Ortuella, Sestao, Txorierri, Urduña, Uribe Kosta, Zaldibar eta Zierbena.

Alkarbidek (Bizkaiko euskara zerbitzu tekniko guztiak batzen dituen foroa) koordinatuko du kanpaina, eta helburua da haurrak lehenengoz matrikulatu behar dituzten gurasoei D ereduaren gaineko informazio gehiago eskaintzea, bai eta euskarazko eredu horrek dituen aukeren gainekoa ere.

“D bitamina. Aberastu bere heziketa!” kanpainako informazio-liburuxkarekin batera, udal arduradun batek izenpetutako gutun bana jasoko dute familiek, euskarazko hezkuntza aukeratzeko arrazoiak azaltzeko. Horrekin batera, haurrentzako oparitxo bat ere jasoko dute etxean: altura-neurgailu bat, haien hazkundea eta bilakaera islatuko duena.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa