Leioa
Bilaketak
Ostirala, 2024ko Martxoaren 29a
Hemen zaude: Hasiera » Zure Udala » Albisteak

Albisteak RSS

2019-11-18 Etxeko txikiak Kultur Leioako Auditoriumaren jabe egingo dira asteburuan Haurrentzako antzerki zikloa 'Txiki, txiki, txikia'
txikia / txikia

Hurrengo larunbata eta igandean, azaroak 23 eta 24, Txiki Txiki Txikia zikloa izango dugu Kultur Leioan, leku mugatua duen umetxoei zuzendutako zikloa (0-4 urte). Bertan, bi ikuskizun izango ditugu bi ordutegiekin (12:00/17:00).

Larunbatean, Madrilgo Los Sueños de Fausto eta Factoria Urogallo konpainiek GUGU…¡TRAS! FELIZ DESPERTAR antzezlana eskeiniko dute. Obra honetan gorputz-lengoaia nagusitzen zaie hitzei. Koloretsua, elkarreragilea, sentsoriala eta hurbilekoa da; aukera ezin hobea ematen die haurrei, obrako elementu eszenikoekin harremanetan jartzeko, dantza egiteko eta barre egiteko.

Igandean, Arena en los bolsillos konpainia andaluziarrak sortutako PEQUEÑA MAX ikuskizuna izango da protagonista. Max bakarrik bizi da, mundutik aldendurik, bere zorionaren bila, besteen begirada kritikotik urrun. Izan ere, Max “desberdina” da; hegats- oin batekin jaio zen. Bere mundua eraiki du, erdi erreala eta erdi asmatua, eta mundu hori hartu du babesleku. Mundu txiki eta hauskor horretara arrotz bat iristean jabetuko da berak ez duela, benetan, bakarrik egon nahi. Ikasitako guztia desikasteak arintasuna ematen dio, bere soinu parerik
gabea eta perfektua dantzatzeko. Eta hortik, berriz ere munduari besoak irekitzeko.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa