Leioa
Bilaketak
Igandea, 2019ko Urriaren 20a
Hemen zaude: Hasiera » Zure Udala » Albisteak

Albisteak RSS

2019-07-29 Garraio Patzuergoak Metroko sarbide berriaren lanak esleitu ditu
/

Garraio Partzuergoak (BGP-CTB) Lamiakoko metro geltokirako sarbide berriaren lanak esleitu ditu gaur. Leioako Udalaren eta BGP-CTBaren arteko lankidetzari esker gauzatuko den proiektuak, Lamiako eta Txorierri auzoetako biztanleengana hurbilduko du metroa, denbora gutxi barru igogailu baten bitartez egongo baitira metroarekin lotuta.

Bi obra horien arteko konexioari, geltokirako sarbide berriari eta igogailuari esker, hobetu egingo dira bi auzoetako irisgarritasuna eta bizitza kalitatea. Patzuergoak 337.290,57 euro inbertituko ditu geltokirako sarbide berria egokitzeko lanetan, eta egikaritze epealdia sei hilabetekoa izango da.

Leioako Alkatea den Iban Rodriguez Etxebarriak, proiektuak Leioarako eta Lamiako eta Txorierri auzoetarako duen garrantzia azpimarratu du. Sarbide berriak bi auzoetarako irisgarritasuna hobetuko du, igogailuarekin lotura ezarriko du, eta bidea erraztuko die bertan bizi diren 2.000 pertsonei.

Sarbide berria, 2. trenbideko (Bilbo noranzkoa) nasan sarbide bat egokitzeko eta bertatik, eskailera bitartez, 1. trenbideko nasara heldu ahal izateko Lamiako eta Txorierri auzoetako biztanleen eskaria da. Geltokiaren proiektuak bi auzoetako irisgarritasunaren hobekuntza osatzen du. Denbora gutxi barru, metro geltokiaren aurrean dagoen Langileria kalearen eta Txorierri auzoaren arteko maila aldaketa gainditzen duen igogailuak lotuko ditu bi auzoak. Udalak, BGP-CTBren laguntzarekin, 2,1 milioi euro inbertitu zituen lan horretan.

Partekatu:

Itzuli

Copyright 2010 · Leioako Udala
  • Kaskadako estilo-orriak erregulatzen duen arautegiarekin bat etortzearen ikonoa
  • Logotipo de cumplimiento de segundo nivel de accesibilidad
  • XHTML kodea erregulatzen duen arautegiarekin bat etortzearen ikonoa