2018-04-23
Euskaraz ikasitakoa praktikan jarri nahi baduzu etor zaitez asteazkenean Berbodromora
Euskara kalera ateratzeko, euskararen erabilera indartzeko eta herriko euskaldunak eta euskara ikasten ari direnak harremanetan jartzeko lekua izan nahi du Berbodromoak. Bertan, euskaldunak eta euskara ikasleak elkartuko eta elkar ezagutuko dute, giro lasaian –kafe bat hartu bitartean– euskaraz tarte atsegin bat pasatuz
Norentzat da?
16 urtetik gorako euskaldunentzat eta euskara ikasten ari direnentzat.
Noiz izango da?
Apirilaren 25ean.
Goizeko saioa: 10:30
Arratsaldeko saioak: 17:00 eta 19:00
Non izango da?
Sakoneta kiroldegian.
Nola egingo dugu?
Sakoneta kiroldegian egingo dugu, aulkiak egongo dira taldeak egiteko eta zenbakiekin zehaztuko ditugu taldeak. Talde bakoitzean 4 pertsona egongo dira, berriketa lasaian kafea hartuz. Taldeetan euskara ikasten ari den jendea euskara dakien jendearekin elkartuko dugu eta hainbat gairi buruz berba egingo dugu.
Gai bakoitzarentzat 15-20 minutu izango dira eta baten eta bestearen artean, parte-hartzaileak taldez mugituko dira, solaskidez aldatuz, horrela 12 lagunekin berba egiteko aukera izango du parte hartzaile bakoitzak.
Izena emateko aukerak:
Telefonoz edo whatsappez: 688850129 / Online: berbaldun.leioa@gmail.com