2015-11-26
Hazia landatuko dugu bihar panpina ekologikoa sortzeko
Barikuetan Jai, umeekin euskaraz jolasteko programa, bueltan izango da bihar arratsaldeko 17:30etik 19:30era Kultur Leioaren inguruan, hau da, Jose Ramon Aketxe plaza edo Errekalde plazan. Bihar hazia landatuko dugu panpina ekologikoa egiteko.
Galtzerdiak erabiliz, panpinak sortuko ditugu. Galtzerdietan lurra eta haziak sartu eta ura botatzen goazen heinean, panpinari ilea nola hazten zaioen ikusi ahal izango dugu.
Euskara Zerbitzuak martxan jarritako programa honen helburua da haurrek eta familek euskara erabiltzea herriko plazetan eta kaleetan, eta horretarako ostiralero jarduera bereziak egiten dira euskarazko harreman sareak zabaltzeko eta euskara erabiltzeko guneak eta aukerak sortzeko.